വൃശ്ചികക്കാർത്തികപ്പൂവിരിഞ്ഞു

വീടായ വീടെല്ലാം പൊന്നണിഞ്ഞു

ആ ദീപഗംഗയിലാറാടി നിന്നപ്പോൾ

ആ ഗാനമെന്നെയും തേടി വന്നു (വൃശ്ചിക...)

അനുരാഗപുഷ്പത്തിന്നാദ്യത്തെ ഗന്ധമായ്

ആ ഗാനമെന്നിലലിഞ്ഞു ചേർന്നു

ജയദേവഗീതത്തിൻ യമുനാതടങ്ങളിൽ

വിടരുമെൻ ഭാവന പാറിച്ചെന്നു (വൃശ്ചിക...)

ആ നല്ല രാത്രി തന്നിതളുകൾ വീണു പോയ്

ആ ഗാനമന്നേയകന്നു പോയി

ഗായകൻ കാണാതെ ഗാനമറിയാതെ

പ്രാണനിലാമണം സൂക്ഷിക്കുന്നു ഞാനെൻ

പ്രാണനിലാമണം സൂക്ഷിക്കുന്നു(വൃശ്ചിക...)

vrishchikakkaarthikappoovirinju

veedaaya veedellaam ponnaninju

aadeepagangayilaaraadi ninnappol

aagaanamenneyum thedivannu

anuraagapushpathinnaadyathe gandhamaay

aagaanamennilalinju chernnu

jayadevageethathin yamunaathadangalil

vidarumen bhaavana paarichennu

aanalla raathrithannithalukal veenupoy

aagaanameyannakannu poyi

gaayakan kaanaathe gaanamariyaathe

praananilaamanam sookshikkunnu njanen

praananilaamanam sookshikkunnu