രാമായണത്തിലെ സീത

രാമനുപേക്ഷിച്ച സീത

തമസാതീരത്തു പണ്ടൊരിയ്ക്കല്‍ രണ്ടു

തങ്കക്കുടങ്ങളെ പ്രസവിച്ചു

 

അമ്മതന്‍ ഗദ്ഗദം താരാട്ടുപാടി

ആശ്രമപ്പുല്‍പ്പായില്‍ മക്കളുറങ്ങി

അന്ത:പുരത്തിലെ ചന്ദനക്കട്ടിലില്‍

അവരുടെ അച്ഛനുറങ്ങി തോഴികള്‍

ആയിരം ചാമരം വീശി

 

ഭൂമിദേവി വയമ്പുകൊടുത്തു

താമരപ്പൂമകള്‍ പൊന്നണിയിച്ചു

വാണീദേവി നിലത്തെഴുതിച്ചു

വാല്മീകി വേദം പഠിപ്പിച്ചു, അമ്മ

വില്ലും ശരവുമെടുപ്പിച്ചു!

 

അച്ഛനെക്കാണാതെ മക്കള്‍ വളര്‍ന്നു

അമ്മയ്ക്കാത്മാവിലഗ്നി പടര്‍ന്നു

അങ്ങനെയങ്ങനെയന്നൊരുനാളവര്‍

അവരുടെയച്ഛനെ കണ്ടു, ആ മാറി-

ലായിരം അമ്പുകളെയ്തു!

 

ആശ്രമത്തിലതമ്മയറിഞ്ഞു

അഞ്ജനക്കണ്ണില്‍ കണ്ണീരുറഞ്ഞു

ആ മിഴിനീരിനുള്ളില്‍ വിടര്‍ന്നു

മക്കള്‍ക്കു ചൂടാനല്ലിപ്പൂ, പിന്നെ,

യച്ഛനു നല്‍കാനഞ്ജലിപ്പൂ!

 

 

raamaayanathile seetha

raamanupekshicha seetha

thamasaatheerathu pandorikkal randu

thankakkudangale prasavichu!

 

ammathan gadgadam thaarattupaadi

aasramappulppaayil makkalurangi

antha:purathile chandanakkattilil

avarudeyachanurangi, thozhikal

aayiram chaamaram veesi

 

bhoomidevi vayampukoduthu

thaamarappoomakal ponnaniyichu

vaaneedevi nilaththezhuthichu

vaalmeeki vaedam padhippichu, amma

villum saravumeduppichu!

 

achanekkaanaathe makkal valarnnu

ammaykkaathmaavilagni padarnnu

anganeyanganeyannoru naalavar

avarude achane kandu, aa maari

laayiramabukaleythu!

 

aasramathilathammayarinju

anjanakkannil kanneeruranju

aa mizhineerinullil vidarnnu

makkalkku chodanallippoo, pinne,

yachanu nalkaananjalippoo!